सरली म्हणतात तरी..

सरली म्हणतात तरी..
दारातल्या विस्कटल्या रांगोळीत..
थोडीशी अजून उरली आहे दिवाळी
लाडू चकलीच्या अर्ध्या भरल्या डब्यात
आणखी खमंग मुरली आहे दिवाळी
.
व्हरांड्यातल्या फिकटल्या कंदिलात
अजूनही हलकेच झुलते आहे दिवाळी
दारात तेवणा-या पणतीच्या ज्योतीत
अजूनही प्रकाश घेऊन डुलते आहे दिवाळी
.
घडी मोडल्या कपड्यांच्या पहिल्या सुरकुतीत
अजूनही नवी कोरी चुरली आहे दिवाळी
लक्ष लक्ष ज्योती उजळून
अजूनही मनात मी भरली आहे दिवाळी
.
सरली म्हणतात तरी..
अजूनही उरली आहे.. दिवाळी
अजूनही उरली आहे.. दिवाळी
......