असेल बुवा...! रोमॅंटीक वगैरे होऊन दोघात एक कप चहा घेण्यात असेल मजा.....पण एकावेळी २-२ कप चहा पिण्याची सर नाही येणार त्याला...!!
हुक्की आली की रात्री २ ला घेतलेला चहा
Penalty म्हणून " उकळलेला" चहा
पैज लावून कपावर कप ढोसलेला चहा
चहाचे दुष्परिणाम वाचत घेतलेला चहा अन् सिगारेट फुंकणार्यांना शिव्या घालत घेतलेला टपरीवरचा चहा...!
The Chai चा चहा, The Taj चा चहा अन् अमृततुल्यचा चहा...!! ☕
आजारी असल्याच्या "निमित्ताने" घेतलेला चहा
लहानपणी दोन्ही हातांनी बशी धरुन Tom & Jerry बघत फुंकून घेतलेला चहा
चहात Tanin नावाचं विष असतं सांगणार्या अरसिकाकडे क्षुद्र कटाक्ष टाकून प्यायलेला चहा
अभ्यासासाठी रात्र - रात्र जागतानाचा कडक चहा अन् Night Duty चा Hospital मधला फक्कड चहा...!
थंडीतल्या सकाळचा, पावसाळ्यातल्या संध्याकाळचा चहा, अन् "उन्हाळ्यातल्या" "दुपारचा" चहा....!! ☕
250km drive केल्यानंतर आळस देत order केलेला चहा
पत्त्यांचा डाव आणि गप्पांची मैफिल रंगात आल्यानंतरचा चहा
corn भजी बाजूला ठेवून अधाशासारखा घेतलेला चहा
चष्म्याच्या काचेवरच्या वाफा बघत घेतलेला चहा अन् रिमझिम पावसात गाणी ऐकत Gallery मधला चहा...!
सिंहगडाच्या धुक्यातला चहा, लोणावळ्याच्या पावसातला चहा अन् बसस्टॅंडवरचा गारठ्यातला चहा....!! ☕
Seminars मधला कागदी कपातला घोटभर चहा अन् घरचा आलं - वेलचीचा "Coffee Mug" भर चहा..
रेल्वेतला Dip - Dip वाला चहा अन् Lipton च्या मशीनचा चहा..
कंटाळा घालवण्यासाठी घेतलेला चहा अन् उत्साह वाटावा म्हणून घेतलेला चहा ..
डोकेदुखी पळवायला प्यायलेला चहा अन् राग गिळायला घेतलेला चहा..
Break म्हणून घेतलेला चहा अन् चहासाठी म्हणून घेतलेल्या break मधला चहा..
काहीच सुचत नाही म्हणून घेतलेला चहा अन् काहीतरी सुचावं म्हणून घेतलेला चहा..
Problems चं solution म्हणून घेतलेला चहा अन् आनंदाचं Celebration म्हणून घेतलेला चहा...!
चहाची लहर, चहाची तल्लफ अन् चहाचं व्यसन....!! ☕
चहा तो चहाच...!
तो चहाच्या चाहत्यानेच घ्यावा...!!
कोणत्याही टिप्पण्या नाहीत:
टिप्पणी पोस्ट करा