लहान असताना एक बरं होतं… कुणाच्या घरी गेलो तर तिथली माणसे म्हणायची, “अगं बाई… किती शहाणं बाळ आहे! कसं शांत बसलंय…” मग आमची आई म्हणायची, “अहो नाही हो. फार खोडकर आहे हा. चार दिवस तुमच्याकडे ठेऊन घ्या मग कळेल.” काल बायकोसोबत तिच्या मैत्रिणीच्या घरी गेलो होतो. दोघींच्या गप्पा सुरु असताना हिची मैत्रीण म्हणाली, “भाऊजी खूप शांत आहेत गं.” मी लगेच कान टवकारले… पण छे! बायको आपली “हं” एवढंच म्हणून परत गप्पा मारण्यात व्यस्त झाली… चार दिवस ठेऊन घे म्हणायला काय झालं होतं? 😡😡😡 #असं_कुठं_असतंय_व्हय? 😭